Mapishi ya Keki ya Chokoleti

Jumapili ya jana nikasema kwanini nisipike keki toka mwanzo, maana nimezoea kununua ule unga uliyotayarishwa kisha nafanya kuongeza mayai, maziwa kisha naweka mchanganyiko kwenye kikaangio cha kuokea keki tayari kwa kuoka. Ila leo nkaona nianze toka mwanzo hadi mwisho.

Jiunge nami hatua kwa hatua

Mahitaji:

• Unga wa ngano - vikombe viwili na nusu
• Siagi - kikombe kimoja
• Sukari nyeupe - Kikombe kimoja na robo tatu
• Mayai - 3
• Vanilla extra - kijiko cha chai kimoja na nusu
• Maziwa - kikombe kimoja na nusu
• Unga wa Cocoa usio na utamu sana (Unsweetened Cocoa powder) - vijiko vya mezani 6 
•  Baking soda - kijiko cha chai kimoja na nusu
• Chumvi - kijiko kimoja

Hatua:

• Washa jiko la oveni katika nyuzi joto 350. Pakaa siagi kwenye kikaangio, kisha nyunyuzia unga kidogo. Changanya unga, Cocoa, baking soda na chumvi pamoja, kisha weka pembeni.

•  Katika bakuli kubwa, changanya siagi na sukari, koroga mchanganyiko huo mpaka uwe laini sana, ongeza mayai, moja baada ya lingine kwa awamu huku unakoroga vyema mchanganyiko huo, kisha ongeza vanilla, changanya vyema mchanganyiko huo.

          

• Katika bakuli kubwa lenye mchanganyiko wa siagi, sukari,mayai na vanilla ongeza kwa kupishana mchanganyiko wa unga na maziwa huku unakoroga vyema. Endelea kufanya hivyo mpaka unga na maziwa vyote viishe na kuchanganyika vyema na mchanganyiko wa siagi.

           

• Oka keki katika oven uliyoiwasha mapema kwa muda wa dakika 40 mpaka 45, kuhakikisha kama imeiva vyema tumbukiza kijiti kisafi cha mbao au toothpick katikati ya keki na kuchomoa. Iwapo itatoka yenyewe ikiwa safi bila chenga chenga basi ujue keki yako imeiva.

•  Epua keki yako weka pembeni ipoe tayari kwa kuliwa.

Keki yako ipo tayari kwa kuliwa, waweza kuila na kinywaji kama soda, juisi, maziwa au hata chai, wewe tu na uchaguzi wako.

Kama umeipenda basi jaribisha na wewe kupika, na kama una namna ingine ya kupika keki ya chokolate tafadhali tujuze nasi kupitia anuani hii menutimes@gmail.com.

Bukoba

Menyu ya mwisho ilitokea palepale Victorius Perch Hotel. Na hapa jina la hiki chakula limenitoka, ila kilikua kitamu kama mlaji alivyotuhabarisha.

Kimekaa kama shawarma vile, kuna mchanganyiko wa mboga kadhaa na nyama ya kuku isiyo ni mifupa, halafu vikaviringishwa ndani ya chapati, na kuongezewa chips kwa pembeni. Hakika ni mlo tosha kabisa wa mchana au usiku.

Bukoba

Usiku kuna raha yake pande za Bukoba. Mkishatoka kula samaki pembeni ya ziwa, waenda sehemu tofautitofauti. Hapa panaitwa Q bar, mwenzenu nilidhani ipo Dar pekee.... Q bar ya huku ina mambo mengi mazuri, kuanzia kucheza pool, muziki mkubwa, marafiq na mengine mengi.
Kwenye menyu nako kumesheheni; ushahidi huu hapa:

Mbuzi choma, ukiagiza, fasta mzigo unakuja kwa niaba ya Q bar Bukoba, Karibuni! 

Bukoba

Menyu ya saba tulipishana nayo Hoteli tuliyofikia. Wana menyu za kidhungu, kimexico, kihindi na kitanzania. Menyu zao ni nzuri na tamu. Hoteli yajulikana kwa jina la Victorius Perch, ipo mjini kabisa.  

Moja ya menyu zao ni hii;

Hapa kuna Pepper stake, chips na salad. Yummy, hakikisha unapita hapo hata kama hukufikia hapo.

Mikocheni

Kila sehemu yenye chakula kizuri inasifika kwa aina flani ya upishi. Rose Garden iliyopo Mikocheni yajulikana sana mjini na nje ya Dar kwa upishi wa Makange. Kwenye listi kuna makange ya kuku, mbuzi, nakadhalika.
Nakuonjesha picha ya makange ya mbuzi.....

Kama ni mkazi wa Dar nashauri upitie hapo, kama watoka nje ya Dar basi hakikisha wapita hapo . Rafiq ukishatoa oda na menyu ikawa tayari, piga picha na ututumie kupitia meuntimes@gmail.com

Ujumbe wa Wiki

Ukiona kivuli cha mti kimepindi, usihangaike kukinyoosha kivuli bali nyoosha mti!!!

Bukoba

Raha ya kula macaroni, iwe na nyama ya kusaga, mbogamboga, kuku au uchanganye na mboga nyingine yeyote uipendayo ni kuongezea jibini a.k.a cheese. Ya sita Menyu toka BK ni macaroni na kuku na extra extra cheese.

Pishi hili nitalipika siku za karibuni, halafu nitakuhabarisha mahitaji na hatua moja baada ya nyingine mpaka mlo kamili utakapokamilika. Ila kama wewe unajua kupika kwa namna ingine basi tujuze nasi kupitia menutimes@gmail.com

Bukoba

Nyama choma hupatikana kila mkoa naamini, Bukoba a.k.a BK nao hawako nyuma kwenye uchomaji wa nyama. Menyu ya tano iliyokutwa BK ni ya uchomaji. Jioni flani watu wakiwa wamejipumzisha baada ya kazi ndefu na nzito za ujenzi wa Taifa, basi huwa hujisogeza pembezoni mwa ziwa na huagiza menyu kama hii.

Hapo kuna ndizi mzuzu, nundu na ulimi vyote vimechomwa. Pilipili na chumvi kidogo kuongeza ladha, ndimu kama utapenda pia ndo kilichokutwa na Camera yetu.

Bukoba

Bukoba raha yake Samaki, huku wapata samaki kwa kupikwa kwa aina tofautitofauti. Kuna wa kuchoma, wa kukaanga, wa mchuzi hata rosti, wa foil, mchemsho yaani wewe vile utakavyo.
Menyu ya nne toka Bukoba ni mapishi ya samaki wa foil. Ushahidi ndo huu:

Huyu anapikwa kwa moto kidogo akiwa ameviringishwa ndani ya foil na viungo kadhaa vya kumuongezea utamu. Halafu anaandaliwa wamotomoto hivyohivyo... hakika usipoangalia vyema waweza ungua vidole maana kusubiri apoe sidhani kama utakua na subira hiyo.

Bukoba

Ya tatu Menyu tuliipata toka kwa mwenyeji wetu Emmanuel, ambayo tulisaidiana kuipika, na huu ndio ushaidi wetu;

Hapa kuna viazi mviringo vilivyochemshwa na vitunguu maji kisha vikakaangwa kidogo, samaki wa kukaanga pamoja na mayai yaliyokaangwa huku yanavurugwa a.k.a scramble eggs yakiwa yana vitunguu maji, nyanya, pilipili hoho na chumvi kidogo.

Asante Emmanuel Greyson

Bukoba

Menyu ya pili tulikutana nayo inatengenezwa katika mgahawa mmoja mjini katikati Bukoba. Plate ni sh 4,000/= ya kitanzania tu na unapata mlo kamili.

Kuna wali mweupe, majani ya maboga, maharagwe, nyama ya kuku, ya samaki na ndizi zilizochanganywa na maharagwe almaarufu kwa jina la Matoke.

Karibuni Bukoba!!

Bukoba

Tulipofika tu tulipokelewa na sifa ya mlo wa Bukoba

Samaki wavuliwa jioni kisha tunawala usiku, yaani ni fresh ambayo haijalala. Hii ndio menyu ya kwanza

Bukoba

Nakupitisha kidogo tu sehemu mbalimbali za Bukoba nilizopiga picha wakati niko kule.

Binafs nimeipenda hii miti sijui ni urefu wake au ni nini.... ila inavutia

 Ujenzi wa tutazz unaendelea katika moja ya barabara.

Daraja lipo njiani ukielekea boda ya Uganda, niliambiwa na wenyeji wangu kuwa hili lilijengwa baada ya la zamani kulipuliwa katika vita vya enzi zile.

Masalio ya kanisa baada ya kulipuliwa katika vita.

Bukoba pazuri sana, ukipata muda safiri upajue zaidi, na ututumie picha na kushare na wengine nje ya Bukoba kupitia menutimes@gmail.com

Bukoba

Tulitua Salama salimini, na huu ndio Uwanja wa ndege wa Bukoba, bado upo matengenezoni kama inavoonekana kwenye picha:

Ukiwa pale airport kwa upande tofauti tofauti unapoata mandhari hizi:

Karibuni Bukoba!!!!

Mapishi ya leo

Bado nipo safarini, nimetua Mwanza nasubiri kuelekea Bukoba. Wakati huu nasubiri, nataka kushare nanyi menyu niliyopika siku ya Jumamosi.
Kuku asiye na mifupa  na viazi mviringo vya kuponda a.k.a boneless chicken and mashed potatoes.

Mahitaji:

• Kuku asiye na mifupa 1 mzima
• Vitunguu swaumu vilivyosagwa
• Pilipili manga
• Chumvi kiasi
• Vinegar
• Olive oil
• Viazi mviringo
• Kitunguu maji 1
• Blueband
• Maziwa kikombe kimoja
• Butter kiasi

Changanya vitunguu swaumu, chumvi kiasi, oilve oil kiasi, pilipili manga kiasi, vinegar kiasi, na ndimu. Kisha katakata kuku wako katika vipande vya wastani. Changanya kuku na mchanganyiko huo hapo juu. Waweke kuku waliochanganywa kwenye jokofu a.k.a fridge kwa muda wa dk 30 ili ule mchanganyiko uweze ingia kwenye nyama ya kuku kwa uzuri zaidi.

Baada ya dakika hizo toa kuku, waweke kwenye kikaangio cha kwenye oven kama kwenye picha:

Pika kuku wako katika nyuzi joto 190, na kwa muda wa dakika 30 - 40.Baada ya dakika kama 20 wageuze ili pande zote ziweze iva vyema.
Epua kuku wako, waache wapoe kwa dk 10, kisha watayarishe tayari kwa kuliwa.

Kupika viazi ya kuponda,

Hatua: Menya viazi vyako, kisha vioshe na kuviweka jikoni. Ongeza maji safi, na katakata kitunguu maji na uweke ndani ya viazi. Ongeza chumvi kidogo na pilipili manga kidogo kupata ladha flani tamu. Hakikisha kuvigeuza ili viweze kuiva kwa urahisi. Vikishaiva, epua sufuria na mwaga maji, kisha chukua mwiko na kuanza kuviponda. Ongeza maziwa, siagi a.k.a blueband na butter kisha endelea kuviponda. Endelea kuongeza maziwa, siagi na butter mpaka utakapoona viazi vimelainika vya kutosha. Tayarisha mash potatoes yako kwa kuliwa

Tayarisha menyu yako kwa kuliwa, yangu ilifanana hivi:
Karibuni kutufundisha kupika menyu mbalimbali. Naamini Bukoba tutajifunza kupika ndizi.........

Safari ya Bukoba

Nipo Uwanja wa ndege - Julius Nyerere nasubiri kuelekea Bukoba kupitia Mwanza. Naamini nitapata mengi sana na nitawaarifu kadri muda unavyokwenda.
Nawatakieni Wiki njema, Siku njema na yenye Baraka
Wasalaam,
LJM

Menyu ya Asubuhi

Wanasema Jumapili ni siku ya familia, so mie niliamua kuwatengenezea familia yangu Kifungua kinywa. Nilitayarisha chai ya maziwa ambayo ilichemshwa na viungo kadhaa, chapati maji, a.k.a pancakes, sausages na mayai.......
Karibu....
Kutengeneza pancakes nilitumia unga wa ngano, maziwa, mayai, chumvi kidogo, sukari kidogo:

Changanya unga wa ngano kiasi kutokana na mahitaji yako ya kutengeneza pancakes ngapi, mayai, chumvi kidogo, maziwa na sukari kidogo kama picha inavyoonesha.
Ushauri wangu ni kwamba katika kuchanganya tumia mwiko wa mbao

Tayarisha kikaangio a.k.a frying pan, ongeza olive oil kidogo na butter kidogo, tayarisha moto kiasi na sio mwingi kuepusha pancakes kuungua

 Weka kiasi cha mchanganyiko kwenye kikaangio chako:

Baada ya dakika kama 2 hivi, Geuza upande wa pili ili nao uive vyema

Pancake yako ipo tayari kwa kuliwa.
Sausages nilizikaanga:

Mayai pia nilikaanga huku nayakoroga.
mwishoni Kifungua kinywa kilitokea hivi: ya kwanza ni yenye pancakes:

Ya pili ni yenye mikate ya kuchomwa a.k.a toasted bread mmmmmmmh

Waweza kushare nasi Kifungua kinywa chako kwa kututumia kupitia menutimes@gmail.com Karibuni sana!!