Monday, September 12

Mapishi ya Rosti ya Maini

Jioni ya leo nitashare nanyi namna ya kupika Rosti ya Maini. Waweza kula na wali, ugali, chapati, mikate au viazi au chochote unachopenda. Mie ntakuelekeza namna ya kupika rosti ya Maini halafu we utachagua utakula na nini.... Karibu!

Mahitaji:

  • Maini ya ng'ombe
  • Kitunguu swaumu kilichosagwa
  • Tangawizi iliyosagwa
  • Kitunguu maji 1
  • Chumvi
  • Mafuta ya kupikia
  • Pilipili kichaa 1
  • Biringanya 1
  • Pilipili hoho 1
  • Karoti 1
  • Viazi mviringo 2
  • Nyanya 2
  • Tui la nazi
               

           

Hatua za kupika:
  • Katakata maini katika vipande vidogo na kisha vioshe
  • Chuja maji na uweke kwenye sufuria
  • Weka sufuria kwenye jiko, washa moto na ongeza chumvi na mchanganyiko wa kitunguu swaumu na tangawizi zilizosagwa
  • Acha maini yachemke, ongeza maji moto pale yanapokaukia mpaka yaive kabisa
  • Epua maini yako tayari kwa kuyaunga
  • Chukua sufuria safi, weka kwenye moto
  • Ongeza mafuta na acha yachemke kiasi kisha ongeza chumvi
  • Ongeza vitunguu maji na vipike mpaka vibadilike rangi
  • Ongeza mchanganyiko wa vitunguu swaumu na tangawizi vilivyosagwa
  • Ongeza pilipili hoho na biringanya na koroga taratibu na viache viive
  • Chukua karoti iliyokatwakatwa na viazi mviringo ambavyo utakua umevichemsha kidogo viongezee kwenye sufuria yako
  • Ongeza maini yaliyochemka, pamoja na viungo unavyopendelea
  • Ongeza nyanya na uache iivie huko ili kutengeneza rojo
  • Ongeza tui la nazi na koroga bila kuacha mpaka unapoona mboga inataka kuchemka, ila hakikisha tui halikatiki kwa kuchemka
  • Epua mboga yako tayari kwa kuliwa.
Karibuni. 

Kuna Maoni 16 mpaka sasa.

  1. Anonymous Anasema:

    inaonekana tam sana iyo mboga nimeipenda

  2. Anonymous Anasema:

    jamani nilikuwa sijui jinsi ya kupika

  3. EKR Anasema:

    hongera kwa pishi zuri

    EKM

  4. Bim Khasim Anasema:

    Nimependa namna unavyofahamisha. Hongera

  5. Anonymous Anasema:

    Nimependa namna unavyofahamisha, hongera.

  6. Anonymous Anasema:

    Nimependa mapishi yako ya Rosti Maini nitapika leo jioni, Asante.

  7. Anonymous Anasema:

    asnte sana ... unafahamisha vizuri

  8. Anonymous Anasema:

    Dah maini haya kama umekosea hapo kutia maji na ndio mana yamepoteza muonekano

  9. menutime Anasema:

    Rafiqs tunashukuru kwa maoni yenu.

  10. menutime Anasema:

    Ni kweli mboga ilikua tamu sana.

  11. menutime Anasema:

    Tunashukuu kupitia sisi umeweza kujua kupika, hongera kwa hilo.

  12. menutime Anasema:

    EKM Asante kwa pongezi, na salamu za shukrani.

  13. menutime Anasema:

    Bim Khamsim, asante kwa pongezi

  14. menutime Anasema:

    Share nasi baada ya kupika pishi hili rafiq.
    asante kwa salamu

  15. menutime Anasema:

    Asante kwa salamu, ila bila ya kuweka maji nadhani yangeungua, ila waweza jaribu upishi huu bila ya kuweka maji kisha tujuze muonekano wake ulikuaje? Kwa salamu za hapo awali, sidhani kama yamepoteza muonekano ila huo ni mtazamo wako, hivyo basi tutasubiri ukipika na kushare nasi your way then tutaconfirm upi ni muonekano mwema.

  16. Anonymous Anasema:

    asante kwa pishi hili napenda sn maini

Toa Maoni Yako Kwa Uhuru

Twitter Facebook Favorites More

 
Modified by MKCT