Mapishi ya Mtori

Namna ya kupika Mtori... Hapa nafundishwa na mama yangu mzazi, na kasema huu ni mtori ambao alikua anapika kwao Rombo, Moshi.
Mahitaji:

• Nyama ya ng'ombe
• Ndizi mbichi
• Kitunguu maji
• Mafuta ya kupikia
• Blue band / Tanbond
• Chumvi kiasi

Namna ya Kupika

• Katakata nyama na kisha iweke kwenye sufuria yenye maji kidogo na chumvi kiasi
• Chemsha nyama mpaka iive
• Epua nyama yako na uiweke pembeni

• Menya maganda ya ndizi
• Katakata ndizi katika vipande vidogo kisha vioshe
• Weka ndizi kwenye sufuria lenye maji kiasi na chumvi
• Katakata vitunguu maji na viongeze kwenye sufuria lenye ndizi

• Chemsha ndizi
• Mara kwa mara geuza ndizi na mwiko ili kuhakikisha zote zinaiva.
• Epua ndizi zako, na kisha punguza maji uliyochemshia kwenye chombo safi
• Pondaponda ndizi huku ukiongeza maji uliyoyatenga ili kulainisha mchanganyiko
• Ongeza Blueband/ Tanbond huku ukiendelea kuponda

• Ndizi zinapokua laini kabisa weka nyama uliyochemsha kwenye mchanganyiko wa ndizi
• Ongeza maji uliyochemshia nyama na koroga mpaka mchanganyiko huo uchanganyike vyema

• Mtori wako upo tayari kwa kuliwa

Karibu........