Ratiba ya Chakula kwa mgonjwa wa kisukari - Siku ya Saba

   Leo tumefika ukingoni mwa somo hili la nini cha kupika, kumpikia au kula yule Rafiq yetu mwenye kusumbuliwa na ugonjwa wa kisukari. Leo ni siku ya mwisho, yaani siku ya Saba ikiwa na maana kwamba kama ulianza ratiba hii siku ya Jumatatu basi itakua ni siku ya Jumapili kupika au kufuatilia mlo huu.
   Kumbusho letu ni lilelile ya kwamba,  Rafiq anayesumbuliwa na kisukari hupaswa kula walau mara 5 kwa siku ambapo ni tofauti kidogo na ule mpangilio tuliozoea wa mara tatu kwa siku, yaani asubuhi, mchana na jioni.
    Haya tumalizie hii siku iliyobakia:

KIFUNGUA KINYWA:

• Chai ya Soya au chai ya Maziwa na soya, mkate vipande 2

SAA 4 ASUBUHI

• Juisi freshi au tunda 

CHAKULA CHA MCHANA

• Wali na kuku mchemsho na mbogamboga

SAA 10 JIONI

• Kikombe cha Chai ya Soya au tunda

CHAKULA CHA USIKU

• Viazi mchemsho na mbogamboga na tunda

   Sasa tuna ratiba nzima ya Rafiqs wanaosumbuliwa na maradhi ya kisukari. tunaamini vyote vinaeleweka, na iwapo lipo swali, maoni au jambo lolote ungependa kutujuza, tunakukaribisha sana sana.
   Shukrani za dhati kwa daktari wa Lugalo kwa kutupatia muongozo huu, ambao utawasaidia wengi kupitia blog yetu.